Біздің балабақшаның тәрбиеленушілері "Абай мұрасы" танымдық порталын ұйымдастырған "Абай мұрасы"шығармашылық байқауына қатысты. Жұмыстар 19 қарашаға дейін қабылданды. Байқаудың мақсаты: ұлы ақын Абай Құнанбаевтың 175 жылдық мерейтойы қарсаңында өскелең ұрпаққа ақынның ұлы мұрасын насихаттау. Қатысушылар "Жас ақын"өлеңдер байқауы номинациясына қатысуға үміткер болды. Бағалау критерийлері: оқу шеберлігі, дауыс мәнерлілігі, тіл тазалығы, бейне сапасы.
Қорытынды 21 қарашада жасалды . Дайындық топтарынан 2 бала қатысты. Мемлекеттік тілде оқытатын "Жұлдыздар" дайындық тобының балалары Серікбаева Айлин 1-ші орынды, орыс тілінде оқытатын дайындық тобының балалары Христич Степан 2-ші орынды иеленді. Тәрбиешілер К. Жанакулова мен М. Лунгу құрмет грамоталарымен марапатталды.